Como xa informamos na circular repartida ó alumnado, os días 20, 21 e 22 de Xuño recollimos, no local de ANPA, tanto as devolucións dos libros prestados no
curso 2017-2018 como as novas doazóns.
Pasados eses días, se a alguén aínda ten que devolver algún libro ou se quere doar libros, pode
poñerse en contacto con nós a través do email (anpa.cruceirodecanido@gmail.com)
e buscaremos un momento para recollelos.
Cando saibamos a listaxe definitiva do banco de libros
da Xunta colgaremos no blog a data da entrega dos libros aos pais. Asemade, os
socios da ANPA recibirán un correo cas devanditas datas.
A entrega dividirase en dous días:
O primeiro día deberán acudir aqueles pais que
recibiran 4 libros do banco de libros da Xunta, e tentaremos completar os
libros que lles falten cos existentes no noso banco.
Ao día seguinte entregaranse os libros que quedaran
sen entregar o día anterior, e estará aberto a todos os demáis alumnos do
centro. Notificaremos a través do blog se queda algún libro por repartir para
este segundo día.
Tanto o primeiro día como o segundo, a entrega
realizarase por rigurosa orde de chegada.